Sogn og Fjordane Idrettskrins ser svært positivt på forslaget frå Arbeiderpartiet sine fylkeslag i Hordaland, Rogaland og Sogn og Fjordane om endring av tippenøkkelen.
Forslaget til endring er heilt i samsvar med idretten sine ønske.
Forslaget vil vere av svært stor betydning for å få fortgang i bygging og rehabilitering av idrettsanlegg.
For idretten i Sogn og Fjordane vil forslaget til endring av tippenøkkelen kunne bety at dei idrettsanlegg som over år har vore ønska og politisk prioritert av kommunar og idrettslag kan realiserast raskare
”Kommunane og idrettslaga må i dag ofte vente både 5 og 6 år frå eit anlegg er politisk vedteke til spillemidlane er utbetalte. Med den nye tippenøkkelen, som no Arbeiderpartiet i vestlandsfylka foreslår, vil ventetida kunne reduserast med fleire år. Dette er svært gode nyheiter for lokalidretten!” seier Arne B. Berge, styreleiar i Sogn og Fjordane Idrettskrins.
Sogn og Fjordane Idrettskrins håpar og trur at initiativet frå Arbeiderpartiet på Vestlandet får støtte på Arbeiderpartiet sitt landsmøte i april. ”Når sentrale fylkesleiarar frå det største regjeringspartiet no føreslår endring av tippenøkkelen og på den måten tydeleg tek lokalidretten sine behov for idrettsanlegg på alvor, så trur vi dette vil føre til endring av tippenøkkelen. Eg vil også legge til at forslaget til ny tippenøkkel i praksis ikkje vil bety reduksjon av dei totale økonomiske tilskkot til verken kultursektoren eller dei humanitære organisasjonane.
Forslaget fra Arbeiderpartiet sine fylkeslag her på Vestlandet ser ut til å kunne gi ein vinn-vinn situasjon for alle, sett i eit samfunnsmessig perspektiv, seier Arne B.Berge, styreleiar i Sogn og Fjordane Idrettskrins.
Kontaktperson: Arne B. Berge, styreleiar i Sogn og Fjordane Idrettskrins tlf 91 72 16 27