Med dette prosjektet ønskjer Sparebanken Sogn og Fjordane (SSF) i samarbeid med Sogn og Fjordane Idrettskrins (SFIK) å legge til rette for at enno fleire utøvarar kan utvikle seg og prestere godt i sin idrett.
Dette ønskjer ein å gjere gjennom å legge til rette for ny kunnskap og kompetanse i klubbmiljø i fylket. Det vil også vera essensielt at dei ulike idrettsmiljøa lærer kvarandre å kjenna slik at ein kan spela på kvarandre sin kunnskap og erfaring. Sjølv om utøvarane er målgruppa, vil involvering av trenarar og støtteapparat stå sentralt for å utvikla kunnskaps og kompetansehevinga i idrettslaga/treningsfellesskapa.
Utøvarar som ønskjer å satse på idretten sin vil få tilført kunnskap på grunnleggjande basisdugleikar som styrketrening, spenst, uthald, motorikk, kost, motivasjon og liknande. Det er også særs viktig at trenarane er engasjerte og deltakande. Det er desse som kan vidareføre kunnskapen og erfaringane til nye utøvarar i framtida.
Teknikk og taktikk innan dei ulike idrettsgreinene er særidrettane sitt ansvar og skulle det dukke opp slike behov vil desse bli meldt inn til respektive særidrettsorganisasjonar.
Det skal også årleg gjennomførast samlingar for trenarar, som arbeider spesifikt med ungdom, på tvers av idrettsgreinene. Desse samlingane er opne for alle klubbar i fylket og vert arrangert av SFIK i regi av prosjektet. Målet er å overføre kompetanse til og frå prosjektet og på tvers av idrettsgreinene.
Prosjektplanen finn du her